نواز شریف کا ٹیلیفون‘ ساجد میر کو پانچویں بار سینٹ ٹکٹ جاری کر دیا
لاہور (نامہ نگار) مسلم لیگ (ن) کے قائد میاں نواز شریف نے مرکزی جمعیت اہلحدیث کے سربراہ پروفیسر علامہ ساجد میر کو ٹیلی فون پرمسلسل پانچویں مرتبہ سینیٹ کا ٹکٹ جاری کرنے کی خوشخبری سنا دی۔ مرکزی جمعیت اہلحدیث کے ترجمان نے بتایا ٹکٹ جنرل سیٹ کیلئے جاری کیا گیا ہے۔ لندن سے میاں محمد نواز شریف نے سینیٹر پروفیسر ساجد میر سے فون پر گفتگو کرتے ہوئے کہاکہ آپ ہمارے وفادار اتحادی ہیں۔ ساجد میر نے میاں نواز شریف کا شکریہ ادا کیا اور کہا کہ اسلام کی بالادستی اور جمہوریت کے استحکام کے لیے آواز بلند کرتے رہیں گے۔
