ملتان (سپیشل رپورٹر)نشتر ہسپتال ملتان میں گزشتہ چوبیس گھنٹوں کے دوران کرونا میں مبتلا 01 مزید مریض جاں بحق،اموات کی مجموعی  تعداد 439 ہو گئی زیر علاج کرونا کے مریضوں کی  تعداد 28 ہو گئی ،11 مریضوں کی حالت تشویشناک 01 کا وینٹی لیٹر پر منتقل کر کے علاج جاری،شبہ میں 16 مریض زیر علاج،تفصیل کے مطابق فوکل پرسن نشتر ہسپتال ڈاکٹر عرفان ارشد  نے بتایا کہ  نشتر ہسپتال کے آئی سو لیشن وارڈز میں زیر علاج ملتان کی رہائشی 55 سالہ زینب بی بی نے گزشتہ روز  دم توڑ دیا  یوں یکم اپریل 2020  سے گیارہ فروری 2021 کے درمیان کورونا کے باعث ہونے والی اموات کی مجموعی تعداد 439 ہو گئی ہے،جبکہ نشتر ہسپتال میں زیر علاج کورونا کہ مریضوں کی تعداد 28 ہو گئی ہے جن میں سے 18مریضوں کا تعلق ملتان سے ہے جبکہ زیر علاج  11مریضوں  کی حالت تشویشناک ہے اور 01مریض کا وینٹی لیٹر پر منتقل کر کے علاج جاری ہے،جبکہ کورونا کے شبہ میں 16مریض زیر علاج ہیں جن کی رپورٹس کا انتظار  ہے،ادھر رواں سال نشتر ہسپتال میں کورونا کے شبہ میں 4 ہزار 257 افراد رپورٹ ہوئے جن میں سے 1 ہزار 525 افراد میں کورونا کی تصدیق ہوئی ہے۔

سعودی عرب میں نورالریاض آرٹ پروگرام کا 18 مارچ سے آغاز