خورشید شاہ کے جوڈیشل ریمانڈ میں 5 روز کی توسیع
احتساب عدالت نے پیپلز پارٹی کے سینئر رہنما خورشید شاہ کے جوڈیشل ریمانڈ میں 5 روز کی توسیع کردی ، عدالت نے نیب کوانہیں دوبارہ 17 دسمبر کو پیش اور ریفرنس دائرکرنے کا حکم دے دیا۔آمدن سے زائد اثاثے بنانے کے الزام میں گرفتارپی پی رہنما خورشید شاہ کو 5 روزہ جسمانی ریمانڈ مکمل ہونے پر ایمبولینس کے ذریعے قومی ادارہ برائے امراض قلب سیسکھر کی احتساب عدالت میں پیش کیا گیا جہاں نیب پراسیکیوٹر نے خورشید شاہ کے 15 روزہ جوڈیشل ریمانڈ کی استدعا کی ۔نیب پراسیکیوٹر نے عدالت کو بتایا کہ خورشید شاہ کیس کے حوالے سے جے آئی ٹی تشکیل دی جارہی ہے، جی آئی ٹی تشکیل دینے کے لیے چیئرمین نیب نے 10 دسمبر کو لیٹر لکھا ہے۔عدالت میں وکیل خورشید شاہ نے دلائل پیش کئے کہ خورشید شاہ کو 87 روز ہوگئے نیب اب تک کوئی شواہد پیش نہیں کرسکا، اس لئے یہ کیس خارج کیا جائے۔احتساب عدالت نے نیب کی 15روزہ جوڈیشل ریمانڈ کی استدعا مسترد کرکیخورشید شاہ کے جوڈیشل ریمانڈ میں 5 روز کی توسیع کرتے ہوئے دوبارہ 17 دسمبر کو پیش کرنے کا حکم دیا۔عدالت نے ہدایت کی کہ آئندہ سماعت پر ہر صورت ریفرنس پیش کیا جائے۔ سماعت کے موقع پر پیپلز پارٹی کے کارکنوں کی بڑی تعداد عدالت کے باہر موجود تھی۔
