گرانفروشی پر10 مقدمات کا اندراج ،13 گرفتار، 3 لاکھ  جرمانہ 

 لاہور(خبرنگار)ضلعی انتظامیہ لاہور کی گراں فروش مافیا کیخلاف سخت کارروائیاں جاری ہے۔ اسسٹنٹ کمشنرز و پرائس کنٹرول مجسٹریٹس فیلڈ میں متحرک ہے۔ انہوں نے 11 خلاف ورزیاں، 10 مقدمات کا اندراج اور 13 گرفتاریاں کروائی جبکہ 3 لاکھ سے زائد روپے کے جرمانے عائد کیے اور متعدد کو وارننگز جاری کیں۔ ڈی سی لاہور نے کہا چکن کے گوشت پر من مانی کرنے والوں کی گرفتاریاں عمل میں لائی جائیں۔ ڈی سی لاہور نے افسران کو ہدایت کی کہ شہریوں کی جیبوں پر ڈاکہ ڈالنے والوں سے کوئی نرمی نہ برتی جائے۔ ڈی سی لاہور سید موسیٰ رضا نے کہا کہ گراں فروشی ہرگز قابل قبول نہیں ہے۔ عوام الناس کو ہر ممکن ریلیف کی فراہمی کے لئے کوشاں ہیں۔