سماجی تحفظ کی معاون خصوصی ڈاکٹر ثانیہ نشتر نے کہا ہے کہ ملک کے نو اضلاع میں تقریباً تینتیس احساس نشوونما مراکز قائم کیے جارہے ہیں۔انہوں نے آج ایک بیان میں کہا کہ پہلے مرحلے میں خیبر' دیر بالا' باغ' غذر' ہنزہ' خارمنگ'کھاران' بدین اور راجن پور اضلاع میں مراکز قائم ہوں گے۔ڈاکٹر ثانیہ نے کہا کہ احساس نشوونما پروگرام میں بچے کی زندگی کے پہلے ایک ہزار دن اور دو سال کی عمر مکمل ہونے تک غذائیت اور صحت کو بہتر بنانے پر توجہ دی جائے گی۔انہوں نے کہا کہ لڑکیوں کے لئے دو ہزار روپے جبکہ لڑکوں کے لئے ڈیڑھ ہزار کا سہ ماہی وظیفہ دیا جائے گا, اس کے علاوہ مستحق خاندانوں کو صحت بخش خوراک بھی فراہم کی جائے گی۔

جنوبی پنجاب کے سیکرٹریز اپنے دروازے عوام کیلئے کھلے رکھیں،عثمان بزدار