پاکستان پرامن ملک، قومی سلامتی پر رعایت نہیں برتیں گے:ندیم افضل چن 

لاہور(نامہ نگار)پاکستان پیپلز پارٹی کے مرکزی سیکرٹری اطلاعات ندیم افضل چن نے کہا ہے کہ پاکستان پْرامن اور ذمہ دار ملک ہے،مگر قومی سلامتی پر ہم کوئی رعایت نہیں برتیں گے۔ندیم افضل چن کا اپنے ایک بیان میں کہنا تھا کہ پاکستان کی خودمختاری اور قومی سلامتی پر کوئی سمجھوتہ نہیں کیا جائے گا۔قوم اپنی افواج کے ساتھ سیسہ پلائی دیوار کی طرح کھڑی ہے‘دشمن کو ہر محاذ پر منہ توڑ جواب دیا جائے گا۔ افواج پاکستان نے دشمن کو منہ توڑ جواب دے کرقوم کا سر فخر سے بلند کر دیاہے۔انہوں نے مطالبہ کیا کہ عالمی برادری اور اقوام متحدہ بھارتی جارحیت اور خلاف ورزیوں کا سخت نوٹس لے۔