لاہور بار کے انتخابات آج، صدارت کیلئے 4 امیدواروں میں مقابلہ ہو گا

لاہور (خبرنگار) لاہور بار ایسوسی ایشن کے سالانہ انتخابات آج ہوں گے۔ 14ہزار 712رجسٹرڈ ووٹرز بائیو میٹرک سسٹم کے تحت ووٹ کاسٹ کریں گے۔ 11 نشستوں پر مجموعی طور پر 37 امیدوار انتخاب میں حصہ لیں گے۔ صدر کی نشست پر 4 امیدوار عاصمہ جہانگیر گروپ کے سربراہ احسن بھون کے نامزد کردہ میاں فیض علی، حامد خان گروپ کے مبشر رحمن چوہدری، عرفان حیات باجوہ ، اور ادیب اسلم بھنڈر مدمقابل ہوں گے۔ نائب صدر لاہور بار کی سیٹ پر 6 امیدوار ساجد حسین بلوچ، ملک افضل بشیر، ملک سیف کھوکھر، میاں شرجیل، میاں طاہر منیر اور ہمایوں ظہیر بھٹی، نائب صدر ماڈل ٹائون کچہری سیٹ پر 3 امیدوار اسلم بھلر، آصف کنول خان اور وقاص کاہلوں، نائب صدر کینٹ کچہری سیٹ پر 3 امیدوار افلاطون جھکڑ، زاہد محمود گل اور عابد لطیف کھوکھر، سیکرٹری لاہور بار کی سیٹ پر 6 امیدوار جنید حیدر انصاری، شعیب اشرف بھٹی ، ملک شرجیل کھوکھر، سیکرٹری لاہور بار کی سیٹ پر3 امیدوار ملک فہد نثار کھوکھر، نصیر بھلہ اور وقار خان، جوائنٹ سیکرٹری کی سیٹ پر3 امیدوار ثمینہ بسرا، حافظ شجاعت علی ، اور شکیل اسحاق خان ، فنانس سیکرٹری کی نشست پر 3 امیدوار اعجاز گجر، زوہیب خان اور ملک ندیم ، لائبریری سیکرٹری کی نشست پر4 امیدوار ارشد چدھڑ، ایم فریاد چوہدری، ثمینہ کھوکھر اور عدنان امجد بھٹی آڈیٹر کی نشست پر 2 امیدوار پروفیسر عتیق احمد خان اور راحیلہ حفیظ رانا مدمقابل ہوں گے۔ ضابطہ اخلاق کی خلاف ورزی پر تمام امیدواروں کو لاکھوں روپے کے جرمانے کیے گئے، پولنگ کا عمل صبح نو بجے سے شام پانچ بجے تک جاری رہے گا۔ ووٹر وکلاء بائیو میٹرک طریقے سے ووٹ کاسٹ کریں گے۔ دریں اثنا ووٹوں کی خریدوفروخت کے الزام پر 200 سے زائد وکلاء کے لائسنس معطل کردئیے گئے، سپیشل کمیٹی نے نسیم فاطمہ، اعجاز ریاض ، رانا انساء شہزادی، مافاطمہ، فہیم شوکت ہاشمی، نوید عزیز، غزالہ روہی ، و دیگران کو الیکشن میں ووٹ کاسٹ کرنے کیلئے نااہل قرار دیدیا۔