امارات سے تعلق رکھنے والے معروف وی لاگر خالد الامیری نے پاکستان کے سرسبز نظاروں میں گہری دلچسپی ظاہر کی ہے ۔انھیں پاکستانی کھانے بھی پسند آئے ہیں۔ خالد نے پاکستان سے متعلق افواہوں کی تردید کی ہے۔

 وی لاگر خالد الاميری نے  پاکستان کو اپنا دوسرا گھر مان ليا۔ انھوں نے کہا کہ مجھے پاکستان اور پاکستانيوں سے محبت ہے، پاکستان کے لوگ بہت مہمان نواز ہیں۔

اماراتی وی لاگرکا کہنا تھا کہ دورہ پاکستان میں چپل کباب اور نان کھا کر بہت مزہ آيا، پاکستان کی کڑک چائے بہت پسند آئی ہے، نتھيا گلی سب سے خوبصورت جگہ لگی۔

خالد الامیری کا کہنا تھا کہ پاکستان سے متعلق بہت سی افواہیں سنی تھیں، سب کچھ غلط ہیں، جوپاکستان کے بارے ميں اپنا نقطہ نظر بدلنا چاہے يہاں چلا آئے۔ انھوں نے مزید کہا کہ اپنےخاندان کے دیگر افراد کو بھی پاکستان لاؤں گا۔

واضح رہے کہ وی لاگر خالد الاميری کے انسٹا گرام، يوٹيوب اور فيس بک پر لاکھوں فالورز ہيں۔