بے مثال اداکار قاضی واجد 87 برس کی عمر میں انتقال کرگئے

11 فروری 2018 (14:21)
 بے مثال اداکار قاضی واجد 87 برس کی عمر میں انتقال کرگئے

کراچی: پاکستان ڈرامہ انڈسٹری کا ایک عہد ختم ہوگیا. بے مثال اداکار قاضی واجد 87 برس کی عمر میں انتقال کرگئے۔

قاضی واجد کی گزشتہ روز طبیعیت خراب ہوئی جس کے باعث انہیں اسپتال میں داخل کرایا گیا جہاں وہ آج خالق حقیقی سے جاملے۔

قاضی واجد 1930 میں لاہور میں پیدا ہوئے اور انہوں نے فنی کیرئیر کا آغاز ریڈیو پاکستان سے کیا۔

قاضی واجد نے 25 برس تک ریڈیو میں کام کیا جس کے بعد کئی مشہور ڈراموں میں اداکاری کے جوہر دکھائے۔ 

خدا کی بستی، حوا کی بیٹی، تنہائیاں،پل دو پل اور تعلیم بالغاں سے شہرت کی بلندیوں پر پہنچنے والے قاضی واجد نے ان جیسے کئی ڈراموں میں اداکاری کے جوہر دکھائے۔