گوجرانوالہ:ناقص گیس سلنڈر استعمال کرنیوالی والی گاڑیوں کے خلاف آپریشن جاری

گوجرانوالہ(نمائندہ خصوصی)چیف سیکرٹری پنجاب زاہد اختر زمان اور ڈپٹی کمشنر نوید احمد کی ہدایات کی روشنی میں سیکرٹری آر ٹی اے غلام مصطفی انصاری نے ضلع بھر میں غیرقانونی اورناقص گیس سلنڈر استعمال کرنیوالی والی ویگن اور رکشہ ڈرائیورز کے خلاف جاری آپریشن کے دوران 863گاڑیوں کے سلنڈر اتار کر بحق سرکار ضبط کر لئے گئے۔تفصیلات کے مطابق ویگن گاڑیوں کے حوالے سے اطلاع موصول ہورہی تھی کہ ان میں ناقص سلنڈروں کے استعمال سے کسی بھی وقت بڑا حادثہ رو نماہو سکتا ہے جس پر ڈپٹی کمشنرنوید احمد نے سیکرٹری آرٹی اے غلام مصطفی انصاری کو ہدایت کرتے ہوئے کہا کہ جن گاڑیوں کا ناقص اورمنظورشدہ سلنڈر نہ ہو ان کیخلاف کریک ڈائون کیا جائے جس پر سیکرٹری آرٹی اے غلام مصطفی نے کارروائی کرتے ہوئے863ویگن و رکشہ سے غیر قانونی ایل پی جی سلنڈرز اتروا کر سرکاری تحویل میں لے لئے اوران کے چالان بھی کئے اس کے علاوہ رکشہ باڈی بنانے والی 6ورکشاپس بھی سیل کیں۔