ایل او سی پر بھارتی فوج کی گولہ باری، 4 افراد زخمی
لائن آف کنٹرول پر بھارتی فوج کی جانب سے بلا اشتعال فائرنگ کا سلسلہ پھر شروع ہو گیا، بھارتی اشتعال انگیزی نے چار افراد زخمی ہو گئے۔ڈی جی آئی ایس پی آر میجر جنرل بابر افتخارکے مطابق بھارتی فوج کی گزشتہ چوبیس گھنٹوں میں سیز فائرمعاہدے کی متعدد بار خلاف ورزیاں کی گئیں، بھارتی فورسز کی ایل اوسی کے شاردہ، شاہ کوٹ، ڈھڈنیال سیکٹر پر بلااشتعال گولہ باری کی گئی ، بھارتی اشتعال انگیزی سےچھری بسن والی گاؤں میں لڑکی سمیت چار افرادزخمی ہوئے۔ پاک فوج نے بھرپور جوابی کارروائی کرتے ہوئے بھارتی چوکیوں کو نشانہ بنایا۔ڈی جی آئی ایس پی آر کے مطابق رواں سال بھارتی فوج اب تک 708 بار سیز فائز معاہدے کی خلاف ورزی کر چکی ہے ، بھارتی فوج کی فائرنگ سے 2 شہری شہید جبکہ بیالیس زخمی ہوئے ہیں۔چند روز قبل بھی پاک فوج نے ایل او سی کی خلاف ورزی پر بھارتی کواڈ کاپٹر مار گرا یا تھا.
