نشتر میڈیکل یونیورسٹی کے پی جی آرز 3ماہ کی تنخواہ سے محروم
ملتان (سٹاف رپورٹر) پائینر یونٹی نے مطالبہ کیا ہے کہ نشتر میڈیکل یونیورسٹی میں کام کرنے والے پی جی آرز کی تنخواہیں جاری کی جائیں۔ رواں سال جنوری میں جوائننگ کرنے والے 80 سے زائد نئے پی جی آرز کو 3ماہ سے زائد عرصہ گزرنے کے باوجود بھی تنخواہیں نہ مل سکیں۔ علاوہ ازیں نشتر ہسپتال کے ڈاکٹرز کو ہیلتھ پروفیشنل الاؤنس کے 2017ء کے بقایا جات بھی تاحال نہیں مل سکے۔ اس سلسلے میں پائینر یونٹی نے پی ایم اے ملتان کے وفد نے ڈائریکٹر فنانس ملک غضنفر اور ڈاکٹر رفیق اختر اے ایم ایس ایڈمن نشتر سے ملاقات کی اور مطالبہ کیا کہ پی جی آرز کی تنخواہیں فوری جاری کی جائیں۔ ڈاکٹرز تنخواہ کے 24,24 گھنٹے ڈیوٹی کر رہے ہیں۔ انہوں نے کہا کہ جلد از جلد نشتر کے ڈاکٹرز کو ہیلتھ پروفیشنل الاؤنس کے بقایا جات ادا کئے جائیں۔ ڈائریکٹر فنانس اور نشتر انتظامیہ نے یقین دلایا ہے کہ جلد یہ مسائل حل کر لئے جائیں گے۔ وفد کی سربراہی پروفیسر ڈاکٹر شاہد راؤ نے کی جبکہ دیگر شرکاء میں ڈاکٹر نصرت بزدار‘ ڈاکٹر الطاف ڈونہ‘ ڈاکٹر آصف راؤ‘ ڈاکٹر ساجد اختر اور ڈاکٹر ذیشان رانا شامل تھے۔