ٓؒاسلام آباد (جنرل رپورٹر) شہیدکامران یوسفزئی کے قاتلوں کو جلد از جلد گرفتار کیا جائے ،پختون ایس ایف پنجاب کا اسلام آباد پریس کلب کے باہر مظاہرہ کیا۔گزشتہ روز پختون ایس ایف پنجاب کی جانب سے بارانی یونیورسٹی راولپنڈی یونٹ پختون سٹوڈنٹس فیڈریشن پنجاب کے صدر کامران یوسفزئی (شہید) کے بہیمانہ قتل کے خلاف مظاہرہ کیا گیا ،جس میں صوبہ بھر کے پختون ایس ایف کے کارکنان نے بھر پور شرکت کی اور قاتلوں کی جلد از جلد گرفتاری کا مطالبہ کرتے ہوئے حکومت وقت اور چیف جسٹس صاحب سے ازخود نوٹس لینے کی در خواست کی اور قاتلوں کی گرفتاری تک احتجاجی تحریک جاری رکھنے کا عہد کیا ،مظاہرے سے عوامی نیشنل پارٹی کی سینیٹر ستارہ ایاز نے خطاب کیا اور کہا کامران کے قتل پر میں نے سینیٹ میں قرارداد جمع کروائی ہے اور آج اسی پر بحث ہوگی،انہوں نے مزید کہا جہاں تک ہو سکے گا کامران کے خاندان کو انصاف دلائیں گے۔