سوات اور ملحقہ علاقوں میں 4.3 شدت کا زلزلہ
سوات(نامہ نگار)سوات اور ملحقہ علاقوں میں زلزلے کے جھٹکے محسوس کئے گئے، گزشتہ روز سوات اور ملحقہ علاقوںمیں ایک بار پھر زلزلے کے جھٹکے محسوس ہوتے ہی لوگ عمارات سے کھلے مقامات پر کلمہ طیبہ کا ورد کرتے ہوئے نکل آئے ، زلزلے پیما مرکز اسلام آباد کے مطابق دن 11 بج کر 5 منٹ پرا ٓنے والے زلزلے کی شدت ریکٹر اسکیل پر 4.3 ریکار ڈ کی گئی جس کی زمینی گہرائی صرف 25 کلو میٹر رہی، زلزلے کا مرکز پاک افغان بارڈر پر تاجکستان کا پہاڑی سلسلہ رہا تاہم آخری اطلاعات تک زلزلے سے کسی قسم کی جانی یا مالی نقصان کی اطلاع موصول نہیں ہوسکی۔