راولپنڈی (نیوزرپورٹر)پاکستان پیپلز پارٹی ضلع راولپنڈی کے سابق صدر وممتاز سیاسی شخصیت شوکت علی عباسی نے کہا ہے کہ مری کہوٹہ ،کلر سیداں ،کوٹلی پی پی پی کا گڑھ ہے یہاں سے ایسے لو گ بھی ہماری پارٹی نے ممبر قومی اسمبلی منتخب کروائے جو اپنے بلبوتے پر یونین ناظم بھی نہیں بن سکتے تھے ۔ان خیالات کا اظہار انہوں نے کارکنان سے گفتگو میں کیا انہوں نے کہا کہ ہماری پارٹی سے بے وفائی کرنے والوں کو اب اپنی حیثیت کا اندازہ ہو چکا ہے مگر اب پانی سر سے گزر چکا ہے شوکت عباسی نے کہا ہے کہ پی پی پی ضلع راولپنڈی میں روز بروز مزید مضبوط ہو رہی ہے اور انشاء اللہ آئندہ عام انتخابات میں پی پی پی این اے 57 سمیت پورے ضلع راولپنڈی سے ریکارڈ کامیابیاں حاصل کرے گی ۔ ہم چاروں صوبوں میں حکومت بنا کر دوبارہ ملکی حالات بہتر کرنے میں اپنی صلاحیتوں کو بروئے کار لائیں گے۔