اسلام آباد (نمائندہ خصوصی)پاکستان کسٹمز نے ملک میں سمگل کئے جانے والے غیر ملکی سگریٹس کے خلاف انسداد سمگلنگ آپریشنز کے لئے خصوصی ٹیمیں تشکیل دی تھیں۔ اپنی حالیہ کاروائیوں کے دوران پاکستان کسٹمز نے 30 اکتوبر سے 5 نومبر 2023 کے دوران 8,157,200 سگریٹس ضبط کرلئے جن کی کل مالیت 156 ملین روپے بنتی ہے۔انسداد سمگلنگ فارمیشنز بشمول مختلف کلکٹریٹس اور ائر پورٹس پر تعینات موبائل سکواڈز کو ہدایات جاری کر دی گئی ہیں کہ وہ ملک بھر میں غیر قانونی سگریٹس کی نقل و حمل پر کڑی نگاہ رکھیں۔ پاکستان کسٹمز لگن اور جانفشانی کے ساتھ سمگلنگ کی لعنت کو ختم کرنے کے لئے پرعزم ہے۔