ڈپٹی کمشنر قصورکا ڈی سی کمپلیکس میں قائم ایمرجنسی کنٹرول روم کا دور

قصور(نمائندہ نوائے وقت+ نامہ نگار) جنگی حالات اور ممکنہ ایمرجنسی صورتحال کے پیش نظر حکومت پنجاب کی ہدایت پر ڈپٹی کمشنر عمران علی نے ڈی سی کمپلیکس میں قائم ایمرجنسی کنٹرول روم کا دورہ کرکے کنٹرول روم میں موجود سہولیات، رابطہ نظام، عملے کی موجودگی اور ہنگامی صورتحال سے نمٹنے کے لیے کیے گئے اقدامات کا جائزہ لیا۔ ڈی سی نے افسروں کو ہدایت کی کہ کسی بھی ممکنہ صورتحال کے لیے ہمہ وقت تیار رہیں۔ عوام کو بروقت اور درست معلومات کی فراہمی کو ہر صورت یقینی بنایا جائے۔ انہوں نے کہا کہ امن و امان کی فضا برقرار رکھنے کے لیے ضلعی انتظامیہ پوری طرح چوکس ہے اور کسی بھی ناگہانی صورتحال سے نمٹنے کے لیے تمام ضروری اقدامات کیے جا چکے ہیں۔