سعودی ولی عہد شہزادہ محمد بن سلمان نے کہا ہے کہ گذشتہ 3 برسوں کے دوران اقتصادی اصلاحات کے خوشگوار نتائج سامنے آنے لگے ہیں۔آگے بڑھتے رہیں گے۔انہوں نے کہا کہ آرامکو کے شیئرز کی فروخت سے قومی اقتصاد میں نجی ادارو ں کا کردار مضبوط ہوگا۔شہزادہ محمد بن سلمان نے کہا کہ بجٹ 2020 کے اجرا پر خادم حرمین شریفین شاہ سلمان بن عبدالعزیز کا خطاب اور اقتصادی اصلاحات جاری رکھنے سے متعلق عزم کا اظہار بڑا اہم ہے۔اقتصادی تبدیلی کا عمل سعودی وژن 2030 کے مطابق مستحکم بنیادوں پر آگے بڑھ رہا ہے۔سعودی حکومت عوام کا معیار زندگی بلند کرنے کے لیے کوشاں ہے۔اقتصادی ذرائع میں تنوع پیدا کرنے اور معیشت کو آگے بڑھانے، روزگار کے زیادہ سے زیادہ مواقع پیدا کرنے اور سرکاری خدمات کو موثر بنانے کی کوششیں اسی کا حصہ ہیں۔سعودی ولی عہد کا کہنا تھاسعودی عرب نے تیل کے ماسوا شعبے کے حوالے سے مجموعی حقیقی پیداوار میں خاطر خواہ شرح نمو حاصل کی ہے۔حکومت نجی ادارو ںکو قومی معیشت میں کلیدی کردار کے قابل بنانے کی پالیسی پر گامزن ہے۔ نجی ادارے ترقی کے عمل میں اہم اور کلیدی شریک کے طور پر شامل ہیں اور یہ بے حد اہم ہیں۔شہزادہ محمد بن سلمان نے مزید کہا سرمایہ کاری کے لیے پرکشش ماحول بنا رہے ہیں۔ یہ قومی معیشت کو تنوع ، خوشحالی اور شرح نمو کی نئی منزلوں کی طرف لے جائے گا۔سعودی ولی عہد کے مطابق بجٹ 2020 قومی حفاظتی پالیسیوں، خطرات اور چیلنجوں سے معمور بین الاقتصادی ماحول میں پیش کیا گیا ۔اس بجٹ کے ذریعے اپنے پروگرام پورے کرنے کا کام لیں گے۔شہزادہ محمد بن سلمان نے اس بات پر خوشی کا اظہار کیا کہ قومی خزانے کو جدید خطوط پر استوار کرنے اور منظم کرنے کی پالیسی کا فائدہ ہوا ہے۔ بجٹ خسارہ مسلسل کم ہورہا ہے۔ بجٹ 2020 بڑے منصوبوں کی فنڈنگ میں حصہ لے کر وژن 2030 کے پروگراموں کی مدد کرے گا۔ چھوٹے ، انتہائی چھوٹے اور درمیانے سائز کے تجارتی منصوبوں کو فروغ دے گا اور اپنے بل پر کاروبار چلانے والوں کی مدد کرے گا۔ولی عہد شہزادہ محمد بن سلمان نے وژن 2030 کے اہداف کی تکمیل میں قومی فروغ فنڈ اور پبلک انویسٹمنٹ فنڈ کے کردار پر بھی روشنی ڈالی ہے۔

 شہری دوران سفر ضروری دستاویزات ہمراہ رکھیں ، ایس ایس پی آپریشنز