کراچی (سپورٹس رپورٹر ) گورنر سندھ عمران اسماعیل نے فلپائن میں منعقدہ یورو ایشیاء چیمپئن شپ میں پاکستان کی دوسری پوزیشن حاصل کرنے پر مبارکباد دی ہے۔ انہوںنے کہا کہ 22 ممالک کی ٹیموں کے درمیان مقابلے میں پاکستان دوسرے نمبر پر رہاجو کہ خوش آئند بات ہے 5 فائٹرز میں سے راجہ عامر، شفقت ہیوی ویٹ اور مڈل ویٹ کے مقابلوں میں کامیاب ہوئے۔ انہوں نے کہا کہ کھلاڑیوں کا سلور کے تمغے کشمیری بھائیوں کے نام کرنے کا اعلان قابل تحسین ہے۔ واضح رہے کہ پہلی دفعہ پاکستان کی طرف سے دوسری پوزیشن حاصل کی گئی ہے۔ گورنرسندھ نے کہا کہ موجودہ حکومت کی جانب سے سرکاری سطح پر کھلاڑیوں کو سہولیات کی فراہمی سے ملک کا نام مزید روشن ہورہا ہے ملک میں ٹیلنٹ کی کمی نہیں حکومتی سطح پر کھیلوں کے مزید فروغ کے لیے بھر پور توجہ دی جارہی ہے اس کھیل میں دوسری پوزیشن حاصل کرنے میں کو چ راجہ محمد آصف خان اورممبر صوبائی اسمبلی راجہ اظہر خان کوششیں قابل تحسین ہیں۔

وزیر اعظم شہباز شریف سے مولانا فضل الرحمان کی ملاقات