سمندری نگرانی کیلئے میری ٹائم سیکیورٹی ایجنسی کے جہاز کی کمیشننگ
اسلام آباد(اسٹاف رپورٹر) سمندری نگرانی کیلئیپاکستان میری ٹائم سیکیورٹی ایجنسی کے جہاز پی ایم ایس ایس ژوب کی کمیشننگ کی تقریب کا انعقاد گزشتہ روز کراچی شپ یارڈ اینڈ انجینئرنگ ورکس میں ہوا،تقریب کے مہمان خصوصی پاک بحریہ کے چیف آف اسٹاف (پرسنیل)وائس ایڈمرل عبدالعلیم تھے۔600 ٹن وزنی یہ سمندریہ نگرانی کا یہہ جہاز چین کے کلاسیفیکیشن سوسائٹی کے قوانین کے مطابق تیار کیا گیا ہے۔ جہاز کی لمبائی68.5 میٹر، بیم8.7 میٹر اور رفتار27 ناٹس ہے۔مہمان خصوصی وائس ایڈمرل عبدالعلیم نے تقریب سے خطاب کرتے ہوئے کہا کہ اس پراجیکٹ کی تکمیل پاک چین دوستی کا ایک اہم سنگ میل اور دونوں ممالک کے مابین گہرے سفارتی اور دفاعی تعلقات کی علامت ہے۔یہ جہاز نہ صرف پاکستان میری ٹائم سیکیورٹی ایجنسی کی آپریشنل صلاحیتوں میں اضافے کا باعث ہو گا بلکہ ملکی بحری حدود کے تحفظ اور پاکستان کے سمندری علاقے اور خصوصی اقتصادی زون میں موجود قدرتی وسائل کی حفاظت یقینی بنانے میں بھی اہم کردار ادا کرے گا۔ دفاعی پیداوار میں خود انحصاری کے حصول میں بھی اس جہاز کا اہم کردار ہے۔اس جہازکے ڈیلیوری پروٹوکول پر پاکستان میری ٹائم سیکیورٹی ایجنسی اور کراچی شپ یارڈ اینڈ انجینئرنگ ورکس کے نمائندوں نے دستخط کیے جس کے بعد جہاز میری ٹائم سیکیورٹی ایجنسی کے حوالے کر دیا گیا۔ کمیشننگ کی تقریب میں اعلیٰ حکومتی عہدیداران، پا ک بحریہ ، کراچی شپ یارڈ اینڈ انجینئرنگ ورکس اور کارپوریٹ سیکٹر سے تعلق رکھنے والے افراد کی ایک بڑی تعداد نے شرکت کی۔
جہاز/ تقریب