صوبائی کابینہ نے پنجاب ہیلتھ کیئر کمشن کے نئے ارکان کی منظوری دے دی

لاہور (نوائے وقت رپورٹ) صوبائی کابینہ نے پنجاب ہیلتھ کیئر کمشن کے نئے ارکان کے ناموں کی منظوری دے دی۔ کمشن میں نو نئے ارکان شامل کئے گئے ہیں۔ ان ارکان میں لاہور ہائی کورٹ کے سابق جج سید افتخار حسین شاہ، سینیئر صحافی اور تجزیہ کار صحافی سلمان غنی ستارہ امتیاز، سابق چیف سیکرٹری پنجاب میجر ریٹائرڈ اعظم سلیمان، مسز پروین آغا، عارف سعید، ڈاکٹر محمد اجمل، پروفیسر ڈاکٹر محمود شوکت، ڈاکٹر نعمان تعریف اور ڈاکٹر محمد عدنان خان  شامل ہیں۔ ہیلتھ کیئر کمشن کے ارکان تین سال کی مدت کے لیے اپنی ذمہ داریاں انجام کریں گے۔ سیکرٹری سپیشلائزڈ ہیلتھ کیئر نے پنجاب ہیلتھ کیئر کمشن کے نئے ارکان کا نوٹیفکیشن جاری کر دیا۔