65    فیصد قلت، دریائے سندھ میں پانی کی کمی کا 100سالہ ریکارڈ ٹوٹ گیا

کراچی (سٹاف رپورٹر) دریائے سندھ میں پانی کی کمی کا سو سالہ ریکارڈ ٹوٹ گیا۔ تینوں بیراجوں پر مجموعی طور پر پینسٹھ فیصد پانی کی قلت کا سامنا ہے۔ محکمہ آبپاشی نے بتایا کہ موسمیاتی تبدیلی کے منفی اثرات کے باعث ملک میں بارش چالیس فیصد تک کمی ہوئی۔ جس سے سکھر بیراج پر پانی کی کمی 71فیصد تک پہنچ گئی ہے اور تینوں بیراجوں پر مجموعی طور پر پینسٹھ فیصد پانی کی قلت کا سامنا ہے۔ گزشتہ برس اپریل کے پہلے ہفتے میں سکھر بیراج کے مقام پر پانی کی قلت انتالیس فیصد تھی جو رواں سال اکہتر فیصد تک پہنچ چکی ہے، جب کہ تینوں بیراجوں پر مجموعی طور پر پانی کی کمی سینتیس فیصد سے بڑھ کر پینسٹھ فیصد تک جا پہنچی ہے۔ سکھر بیراج کنٹرول کے مطابق تربیلا ڈیم میں پانی کی سطح میں ایک فٹ کی کمی، ڈیم کا لیول 1410.32 فٹ ریکارڈ کیا گیا۔