افریقی ممالک میں غربت اور بیروزگاری نوجوانوں کو شدت پسند بنا رہی ہے : اقوام متحدہ

09 ستمبر 2017

برسلز (اے پی پی+این این آئی)اقوام متحدہ کا کہنا ہے کہ افریقی ممالک میں غربت اور بے روزگاری کی وجہ سے نوجوان شدت پسندی کی جانب مائل ہو رہے ہیں۔ اقوام متحدہ کی جانب سے صومالیہ، نائجیریا، کینیا، سوڈان، نائجر اور کیمرون میں سرگرم عسکری گروپوں کے تقریباً 5 سو ارکان کے انٹرویو کے بعد کہا گیا ہے کہ گزشتہ کئی برسوں سے افریقہ میں عسکری کارروائیاں کرنے والے گروپوں میں اضافہ غربت اور بے روزگاری کی باعث ہوا ہے۔