اسلحہ کیس، عدالت نے ذوالفقار مرزا کے 3 ملازمین کو عدم ثبوت کی بنا پر بری کر دیا

09 ستمبر 2017

کراچی(آن لائن)کراچی کی مقامی عدالت نے اسلحہ کیس میں سابق صوبائی وزیر داخلہ ذوالفقار مرزا کے 3 ملازمین کو عدم ثبوت کی بنا پر بری کردیا ہے۔ سابق وزیر داخلہ سندھ ڈاکٹر ذوالفقار مرزا کے تین ملازمین ابراہیم،نیک محمد نوحانی اور سکندر بروہی کے خلاف تھانہ درخشاں میں مقدمہ درج کیا گیا تھا۔ ملزمان کے خلاف غیر قانونی اسلحہ رکھنے کا الزام تھا۔ ملازمین کو مئی 2105 میں مرزا ہاؤس ڈیفنس سے گرفتار کیا گیا تھا۔