اسلام آباد (آن لائن)ملک بھر میں پولیو وائرس شدت اختیارکرگیا، ملک کے قبائلی علاقوں میں ایک ہی دن میں11پولیو کیسوں کی تصدیق کردی گئی ہے، ملک میں پولیو وائرس کی بچوں کو تیزی سے متاثر کرنے کی ہولناک صورتحال سامنے آگئی ہے۔تفصیلات کے مطابق قومی ادارہ برائے صحت کے جاری کردہ اعداد وشمارکے مطابق ملک بھر میں امسال 138بچے پولیو وائرس کا شکار ہوکر معذور ہوگئے  ہیں قومی ادارہ صحت کی رپورٹ کے مطابق خیبر پی کے  اور وفاق کے زیرانتظام قبائلی علاقوں میں ہفتہ کو مزید11بچوں میں پولیو وائرس کی تصدیق ہوگئی۔رواں برس  کے دوران صرف فاٹا میں102 بچوں میں پولیوکی تصدیق کی گئی ہے جبکہ خیبر پی کے میں 23، سندھ میں11، پنجاب اور بلوچستان میں ایک ایک کیس سامنے آئے۔