وزیر اعلیٰ پنجاب عثمان بزدار نے کہا ہے کہ ذاتی مفاد کا قومی مفادات پر غالب آنا افسوس ناک عمل ہے ،قوم جانتی ہے اپوزیشن کس مقصد کیلئے اکٹھی ہوئی ،احتساب ہمارا قومی مشن ہے ، کسی صورت پیچھے نہیں ہٹیں گے ۔وزیراعلیٰ پنجاب  عثمان بزدار سے  ارکان پنجاب اسمبلی احمد کاسترو، عمر فاروق، شہباز احمد، نذیر احمد چوہان اور ملک تیمور نے ملاقات کی ، اہم امور پر تبادلہ خیال کیا گیا ۔اس موقع پر عثمان بزدار نے کہا کہ  احتجاجی سیاست کرنے والے اپنے دور میں کی گئی کرپشن اور لوٹ مار سے عوام کی توجہ ہٹانا چاہتے ہیں، ذاتی مفاد کا قومی مفادات پر غالب آنا افسوسناک ہے۔ اس موقع پر گفتگو میں وزیر اعلی پنجاب کا کہنا تھا کہ  منفی سیاست کرنے والوں نے اپنے دور اقتدار میں عوام کی بنیادی ضرورتوں کو فراموش کئے رکھا، پوری قوم جانتی ہے کہ اپوزیشن کس مقصد کیلئے اکٹھی ہوئی ہے۔وزیراعلی پنجاب نے کہا کہ اپوزیشن رہنمائو ں کے اصل چہرے قوم کے سامنے بے نقاب ہوچکے ہیں، تحریک انصاف کی حکومت کرپشن کے خاتمے کیلئے پرعزم ہے، احتساب ہمارا قومی مشن ہے، جس سے کسی صورت پیچھے نہیں ہٹیں گے۔ انہوں نے کہا کہ ترقی کے عمل میں عوامی نمائندوں کی مشاورت کو خصوصی اہمیت دی گئی ہے، اپوزیشن ترقی کے سفر کو روکنے کے درپے ہے۔

کرونا وائرس کی نئی قسم نے خطرے کی گھنٹی بجا دی