افغان نوجوان کو شہریت، ہائیکورٹ کی وفاقی سیکرٹری داخلہ کو فیصلہ کی ہدایت  

لاہور (خبر نگار) لاہور ہائیکورٹ نے پاکستانی خاتون سے شادی کرنے والے افغان نوجوان کو پاکستانی شہریت دینے کی درخواست پر وفاقی سیکرٹری داخلہ کو 15 دن میں فیصلہ کرنے کی ہدایت کر دی۔ جسٹس چودھری محمد اقبال کی سربراہی میں پانچ رکنی بنچ نے کیس کی سماعت کی۔ درخواست گزار نے موقف اپنایا کہ 2012ء میں نسیم نامی افغان نوجوان سے شادی کی، تاہم شہریت نہیں دی جا رہی۔ عدالت نے ریمارکس دئیے کہ اگر پاکستانی لڑکا بیرون ملک لڑکی سے شادی کرے تو شہریت دی جاتی ہے، پاکستانی لڑکی کی شادی پر امتیاز کیوں برتا جا رہا ہے۔