داتا دربار خودکش حملے کے پولیس شہدا کی 6 ویں برسی‘خراج عقیدت پیش

لاہور(نامہ نگار)انسپکٹر جنرل پولیس پنجاب ڈاکٹر عثمان انور نے لاہور داتا دربار خودکش حملے میں جانوں کا نذرانہ پیش کرنے والے پولیس شہدا کی 6 ویں برسی کے موقع پر خراج عقیدت پیش کیا۔آئی جی پنجاب نے کہا کہ فرض کی راہ میں جانیں قربان کرنے والے عظیم سپوتوں اور ان کی فیملیز کو سلام پیش کرتے ہیں۔ترجمان پنجاب پولیس نے تفصیلات بتاتے ہوئے کہا کہ 2019ء میں پنجاب پولیس کے 5 اہلکاروں نے لاہور داتا دربار پر دوران ڈیوٹی خود کش حملے میں جام شہادت نوش کیا۔شہید ہونے والوں میں3 ہیڈ کانسٹیبلز اور2 کانسٹیبلز شامل ہیں۔ہیڈ کانسٹیبلز گلزار علی، شاہد نذیر، محمد سہیل،کانسٹیبلز محمد سلیم اور صدام حسین نے دوران ڈیوٹی جام شہادت نوش کیا۔