پاکستان مذاکرات چاہتا ہے تو اپنی سرزمین پر دہشت گردی بڑھنے سے روکے: بھارتی وزیر
نئی دہلی (آن لائن) بھارتی وزیر مملکت برائے قانون و انصاف ڈی وی سادا نندا گوڈا نے کہا ہے کہ اگر پاکستان بھارت کے ساتھ مذاکرات کا خواہاں ہے تو اسے اپنی سرزمین پر دہشتگردی کو پنپنے سے روکنا ہو گا۔ صحافیوں سے بات چیت کرتے ہوئے گوڈا نے کہا کہ اب گیند پاکستان کے کورٹ میں ہے کہ وہ دو طرف مذاکرات کو جاری رکھنے کیلئے مثبت ردعمل کا مظاہرہ کرے۔ بھارتی حکومت اور وزیراعظم نریندر مودی پاکستان کیساتھ اچھے تعلقات پر قرار رکھنے اور خطے میں امن کیلئے دوطرفہ امن مذاکرات میں پیشرفت یقینی بنانے کیلئے کوشاں ہیں۔ حکومت ہمسایہ ممالک کے ساتھ ہم آہنگی اور اچھے تعلقات برقرار رکھنے اور قوم کے مفادات کا تحفظ کرنے کی خواہاں ہے۔
بھارتی میڈیا
