لاہور(لیڈی رپورٹر)مسلم لیگ ن کی رکن پنجاب اسمبلی حنا پرویز بٹ نے 18ویں ترمیم کو رول بیک کرنے کیخلاف پنجاب اسمبلی میں مذمتی قرارداد جمع کرادی۔حکومت 18ویں آئینی ترمیم کو رول بیک کرنے کی کوشش کر رہی ہے۔وفاقی حکومت صوبوں کے حقوق پر ڈاکہ ڈالنے کی کوشش کررہی ہے۔18ویں ترمیم کی بدولت صوبوں کو اختیارات ملے ۔لیکن موجودہ حکومت صوبوں کی خود مختاری پر مسلط ہونا چاہتی ہے۔آئین میں ترمیم اپوزیشن کے بغیر ممکن نہیں ہے۔حکومت نے اپوزیشن کیخلاف اسمبلیوں کے اندر اور باہر محاذ کھول رکھے ہیں۔اپوزیشن کے لوگوں کا یکترفہ احتساب ہو رہا ہے۔جبکہ ہیلی کاپٹر ،آف شور کمپنیاں اور بیرون ملک جائیداد کیسز والوں کو ریلیف دیا جا رہا ہے۔لہذا یہ ایوا ن حکومت کی جانب سے 18ویں ترمیم کو رول بیک کرنے کی کوشش کی مذمت کرتا ہے۔