سرینگر(اے این این ) مقبوضہ کشمیر میں مسافر بس گہری کھائی میں گرنے سے 13افراد جاں بحق، 17زخمی ہو گئے۔ مرنے والوں میں خواتین اور بچے بھی شامل، پانچ زخمیوں کی حالت نازک بتائی جا رہی ہے۔ تفصیلات کے مطابق گزشتہ روز مقبوضہ کشمیر کے ضلع پونچھ میں ایک مسافر بس گہری کھائی میں گرنے سے 13افراد جاں بحق اور 12زخمی ہو گئے۔ یہ حادثہ ضلع پونچھ کے علاقے میں منڈی میں پیش آیا جہاں لوران سے پونچھ جانے والی مسافر بس بے قابو ہو کر گہری کھائی میں جا گری۔گاڑی میں 35افراد سوار تھے جن میں 13جاں بحق اور 17زخمی ہو گئے۔ زخمیوں میں سے پانچ کی حالت تشویشناک بتائی جا رہی ہے۔ پولیس کے مطابق گاڑی موڑ کاٹتے ہوئے پھلسن کے باعث بے قابو ہو گئی۔ مرنے والوں میں ڈرائیور بھی شامل ہے۔