کسان بورڈ کا کل لاہور پریس کلب کے باہر مظاہرے کا اعلان

09 دسمبر 2013

لاہور (نیوز رپورٹر)کسان بورڈ کے جنرل سیکرٹری ملک محمد رمضان روہاڑی نے بتایا کہ دس دسمبر بروز منگل کو شوگر ملوں کی لوٹ مار،واپڈا بلوں کی بھرمارکے خلاف اورگندم کی قیمت پندرہ سو روپے ،گنے کی قیمت دو سو تیس روپے  من مقرر نہ کرنے پر کسان بورڈوسطی پنجاب پریس کلب لاہور کے باہر احتجاجی مظاہرہ کرے گا۔قیادت صدر کسان بورڈ  صدر سردار ظفر حسین کریںگے جبکہ  صدر وسطی پنجاب نور الہی تتلہ سمیت کسانوں کی بھاری تعداد شرکت  کرے گی۔ انہوں نے کہا کہ گندم کی کم از کم قیمت پندرہ سو  روپے فی من اور گنے کی قیمت دو سو تیس روپے  من مقرر کی جائے۔