اسلام آباد: تحریکِ انصاف کے رہنما شہباز گِل کو بنی گالہ چوک سے گرفتار کیا گیا ہے۔ ان کی گاڑی کے شیشے بھی توڑ دئیے گئے۔تحریکِ انصاف کے رہنماؤں مراد سعید، فواد چوہدری اور فرخ حبیب نے گرفتاری کی شدید مذمت کی ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیرِ مواصلات مراد سعید نے کہا کہ پی ٹی آئی رہنما شہباز گِل کو گرفتار کیا گیا ہے۔ امپورٹڈ حکومت بوکھلاہٹ کا شکار ہے۔
شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔ pic.twitter.com/9KBdkAsXGI
— Murad Saeed (@MuradSaeedPTI) August 9, 2022
اپنے ایک اور ٹوئٹر پیغام میں مراد سعید نے کہا کہ کس کس کو گرفتار کرو گے؟ کتنے صحافیوں پر پابندی لگاؤ گے؟
مراد سعید کا کہنا تھا کہ شہباز گل کی گاڑی کے شیشے بھی توڑ دئیے۔ کل رات ایک خوفناک پلان تھا لیکن عمران خان کے جانثاروں نے واضح پیغام دیا ہے عمران خان ریڈ لائن ہے۔
کس کس کو گرفتار کروگے؟ کتنے صحافیوں پر پابندی لگاؤ گے؟ شہباز گل کی گاڑی کے شیشے بھی توڑ دئے۔ کل رات ایک خوفناک پلان تھا لیکن عمران خان کے جانثاروں نے واضح پیغام دیا عمران خان ریڈ لائن ہے
— Murad Saeed (@MuradSaeedPTI) August 9, 2022
سابق وزیرِ مواصلات نے کہا کہ میں کئی ہفتوں سے خبردار کر رہا تھا کہ ہمیں پھر سے ایندھن بنایا جارہا ہے۔ میڈیا خاموش رہا۔ امپورٹڈ حکومت خاموش رہی۔ امریکی غلاموں کی خاموشی بے سبب نہیں۔
انہوں نے کہا کہ حکومت نے خود یہ نیا کھیل شروع کیا۔ یہ شریکِ جرم ہے لیکن میرے لیے میڈیا کی خاموشی سمجھ سے بالاتر تھی۔ اب منصوبہ تو بے نقاب ہوگیا۔
شہباز گل کو گرفتار کر لیا گیا۔ امپورٹڈ حکومت بوکھلاہٹ کا شکار
— Murad Saeed (@MuradSaeedPTI) August 9, 2022
بعد ازاں سابق وفاقی وزراء فواد چوہدری اور فرخ حبیب نے بھی گرفتاری کی تصدیق کرتے ہوئے کہا کہ شہباز گل کے ڈرائیور کو بھی تشدد کا نشانہ بنایا گیا ہے جبکہ شہباز گل کو بنی گالہ چوک سے گرفتار کیا گیا ہے۔
سابق وزیرِ مملکت برائے اطلاعات اور پی ٹی آئی کے مرکزی رہنما فرخ حبیب کا کہنا ہے کہ فاشسٹ حکومت کی جانب سے شہباز گل کی گرفتاری کی مذمت کرتے ہیں۔ ہمیں اوچھے ہتھکنڈوں سے ڈرایا اور دھمکایا نہیں جاسکتا۔