لاہور(نامہ نگار)شادباغ کے علاقہ میں لین دین کے تنازع پر دو افراد نے فائرنگ کر کے دو بچوں کا باپ کوہلاک کر دیا ہے ۔ بتایا جاتا ہے کہ شاد باغ کے علاقہ میں لین دین کے تنازع پر دو افراد نے فائرنگ کر کے 2بچوں کے باپ34سالہ ذیشان کو شدید زخمی کر دیا اور فرار ہو گئے۔زخمی ذیشان کو طبی امداد کے لئے ہسپتال لے جایا جارہا تھا کہ وہ راستے میں ہی دم توڑ گیا۔ پولیس نے لاش قبضے میں لے کر پوسٹ مارٹم کے لئے مردہ خانے جمع کرا دی ہے ۔