لاہور (خصوصی رپورٹر) پیپلز پارٹی کے سابق صوبائی وزیر فاروق یوسف گھرکی، پی پی 154 کے زونل صدر مرزا فخر،  جنرل سیکرٹری اجمل ہاشمی اور تحریک انصاف کے عمران شاہ نے اپنے ساتھیوں سمیت مسلم لیگ ن میں اپنی غیر مشروط شمولیت کا اعلان کرتے ہوئے مسلم لیگ ن پر اعتماد کا اظہار کیا کہ نواز شریف، شہباز شریف کی قیادت میں وہ ملک کو بحرانوں سے نکالنے میں کامیاب ہو جائے گی۔ پیپلز پارٹی اور تحریک انصاف کے رہنمائوں نے مسلم لیگ ن لاہور کے صدر پرویز ملک، زعیم قادری، خواجہ عمران نذیر، توصیف شاہ، چودھری شہباز شریف ایم پی اے، ماجد ظہور، کرنل (ر) مبشر ودیگر کی موجودگی میں پریس کانفرنس میں مسلم لیگ ن میں شمولیت اختیار کی۔ پرویز ملک، زعیم قادری، خواجہ عمران نذیر نے مسلم لیگ ن میں شامل ہونے والوں کو خوش آمدید کہا اور یقین دلایا کہ مسلم لیگ میں پرانے کارکنوں کی طرح انہیں بھی عزت دی جائے گی۔