لاہور (پ ر) صدر آل پاکستان انجمن تاجران خالد پرویز  نے امید ظاہر کی ہے کہ وزیراعلی پنجاب میاں شہباز شریف تاجروں سے کئے اپنے وعدے کے مطابق وزیر خزانہ اسحاق ڈار سے ٹیکس مسائل پر بات کرکے انہیں حل کرائیں گے۔ میاں شہباز شریف ایک تاجر دوست لیڈر ہیں اور جانتے ہیں کہ معیشت کا پہیہ گھومے گا تو بے روزگاری اور غربت کم ہو گی۔  انرجی  کرائسز  اور امن امان کی ابتر صورتحال سے چھوٹے پیمانے پر کاروبار کرنے والے آج کام ڈھونڈتے پھر رہے ہیں۔ آج تاجروں کو ریلیف دینے کی ضرورت ہے تاکمہ وہ نئے جوش اور عزم سے ملکی معیشت استوار کر سکیں۔ اس کے لئے 18 صفحاتی انکم ٹیکس فارم اور پراپرٹی ٹیکس میں 120 فیصد اضافے جیسے غیر تاجر دوست اقدامات واپس لینا ہوں گے۔