لاہور (اپنے نامہ نگار سے) اغواء کا ڈرامہ رچانے والی خاتون اور اس کی پشت پناہی کرنے والے تھانہ ماڈل ٹائون کے انویسٹی گیشن انچارج کے خلاف مقدمہ درج کرکے رپورٹ  ایڈیشنل سیشن جج راجہ غضنفر کی عدالت میں پیش کردی گئی۔ استغاثہ کے مطابق فتح گڑھ میں زمین کے تنازع پر سلیم اور اس کے بیٹے کے خلاف ملزمہ نورین کو اغواء کرنے کا مقدمہ تھانہ ماڈل ٹائون میں درج ہوا۔ عدالت عالیہ نے مذکورہ معاملے پر نوٹس لیتے ہوئے انکوائر ی کا حکم دیا جس میں پتہ چلا کہ مذکورہ ملزمہ نے جائیداد کے تنازع پر انوسٹی گیشن انچارج تھانہ ماڈل ٹائون ذوالفقار کے ساتھ مل کر اغواء کا ڈرامہ رچایا۔