صوبہ بھر میں سرکاری ہسپتالوں میں ایمرجنسی نافذ:خواجہ سلمان رفیق  

لاہور(نیوز رپورٹر) صوبائی وزیر محکمہ صحت و چیئرمین کابینہ کمیٹی برائے امن و امان خواجہ سلمان رفیق نے بہاول پور کا دورہ کیا۔خواجہ سلمان رفیق نے بھارت کے بزدلانہ حملے کے نتیجے میں زخمی ہونیوالے ہسپتال میں زیر علاج شہریوں کی عیادت کی اور طبی سہولیات کا جائزہ لیا۔ اس موقع پر کمشنر بہاول پورڈویژن مسرت جبیں،ڈی سی ضلع بہاول پورڈاکٹرفرحان صدیقی،ڈی پی او محمد حسن اقبال،پرنسپل قائداعظم میڈیکل کالج بہاول پور،سپیشل سیکرٹری صحت جنوبی پنجاب اورایم ایس بہاول وکٹوریہ ہسپتال بہاول پور ہمراہ تھے۔خواجہ سلمان رفیق نے ریسکیو1122کے عملہ سے بھی ملاقات کی۔انہوںنے کہا وزیراعلیٰ مریم نواز کی ہدایت پر صورتحال کا جائزہ لینے فوری طوری پر بہاولپور پہنچا ہوں۔ ہسپتال میں زخمیوں کو بہترین طبی سہولیات فراہم کی جارہی ہے۔ صوبہ بھرکے سرکاری ہسپتالوں میں ایمرجنسی نافذکرچکے ہیں۔ ڈاکٹرز،نرسزاور پیرامیڈیکل اسٹاف زخمیوں کے علاج و معالجہ میں مصروف ہیں۔ بھارت کی جانب سے رات کی تاریکی میں بزدلانہ حملوں کی پرزورمذمت کرتے ہیں۔