کوئٹہ،گھر میں گیس لیکج کا  دھماکہ، ماں بیٹی جاں بحق ،بیٹا زخمی

 کوئٹہ (آئی ا ین پی)  کوئٹہ میں ہزار گنجی میں گھر میں گیس لیکج کے دھماکے  میں ماں بیٹی جاں بحق ہوگئیں۔پولیس کے مطابق ہزار گنجی کے علاقے کلی خزاں کے رہائشی ہمایوں خان کے گھر میں گیس لیکج کے باعث دھماکا ہوا جس کے نتیجے میں ہمایوں خان کی اہلیہ اور 10 سالہ بیٹی بی بی زویا جاں بحق  ہوگئے جب کہ ان کا بیٹا رئیس خان زخمی ہوگیا۔پولیس کے مطابق زخمی کو سول اسپتال کے برنس وارڈ میں طبی امداد کے بعد گھر منتقل کردیا گیا ہے۔