فالج اس وقت ہوتا ہے جب دماغ کے کسی حصے کو خون کی فراہمی میں کمی آ جائے۔ دماغ کو آکسیجن کی فراہمی بھی کم ہونے سے صح مند خلیے مرنا شروع ہو جاتے ہیں۔اگرچہ فالج کے بارے میں سوچنا ڈرادینے والی بات ہے لیکن اس سے بھی اہم یہ ہے کہ اگرا نسان چوکس رہے تو وہ خود کو فالج کے متوقع حملے سے بچا سکتا ہے۔ کیسے ؟

36 ہزار میڈیکل پروفیشنلز کی رکنیت رکھنے والی تنظیم   امریکن اکیڈمی آف نیورولوجی ‘‘ اس شعبے میں دنیا کی سب سے بڑی تنظیم ہے۔ اس کے مطابق    فالج کی علامات کم از کم ایک ہفتہ پہلے ظاہر ہو نا شروع ہو جاتی ہیں‘‘ ۔اکیڈمی نے اپنے زیر انتظام نکلنے والے جریدے میں لکھا ہے کہ   ایک ہفتے قبل ظاہر ہونے والی علامات کے بعد علاج سے فالج کے حملے کو کنٹرول کیا جا سکتا ہے‘‘۔

 عوام کو سستی اشیاء خورونوش کی فراہمی جاری ہے:فواد ہاشم

تحقیق سے پتہ چلا ہے کہ فالج کے حملے    اسکمک ‘‘(ischemic) یعنی خون کی فراہمی میں کمی کے باعث بھی ہو سکتے ہیں جیسا کہ خون کی نالیوں کاکمزور پڑ جانا، ان سے خون کا رسنا یا خون کے جمنے سے بہائو میں کمی جیسے مسائل بھی شامل ہیں۔اکثر کیسوں میں   transient ischemic attack (TIA)‘‘ بھی ہو سکتے ہیں انہیں پیشگی حملہ کہا جاتا ہے یعنی فالج کی پیشگی علامات۔آپ اس کیفیت کو   منی فالج ‘‘بھی کہہ سکتے ہیں۔یہ کیفیت پانچ منٹ سے بھی کم وقت میں ختم ہو جاتی ہے اور اس سے دماغ کا کوئی حصہ متاثر نہیں ہوتا۔

عمران خان عوام کو ریلیف فراہمی کیلئے انتھک محنت کر رہے ہیں:خان کلیم اللہ

امریکی اکیڈمی نے 2416افراد پر تحقیق کے بعد بتایا کہ    ان میں سے 549مریضوں نے پیشگی علامات کو محسوس کیا تھا۔اور یہ حملے سے کوئی سات دن کے اندر اندر نمایاں ہوئیں۔17فیصد مریضوں کی اس حوالے سے علامات ظاہر ہوئیں۔9فیصد مریضوں کو ایک دن پہلے اور43 فیصد مریضوں نے سات یا اس سے زیادہ دن پہلے علامات کو محسوس کیا تھا۔

ایک اور تحقیق کے مصنف ڈاکٹر پیٹر ایم راتھویل (آکسفرڈ میں ڈیپارٹمنٹ آف نیورولوجی کے ڈاکٹر آف میڈیسن ) کا کہنا ہے کہ   یہ جاننے کے باوجود ہم یہ نہیں کہہ سکتے کہ مریض کو ملنے والی طبی سہولت کتنی کارگر ثابت ہو سکتی ہے،تاہم کسی بھی بڑے حملے سے کافی پہلے اگر ابتدائی علامات کے ظہور کے فوراََ بعد یا چند گھنٹوں کے اندر اندر علاج ہو جائے تو فالج سے بچنے کی امید ہے۔ تاخیر سے علاج میں شائد فائدہ نہ ہو ‘‘۔ڈاکٹروں کی ٹیم کا کہنا ہے کہ   دیگر امراض کی طرح ہم کہہ سکتے ہیں کہ فالج کی بھی پیشگی علامات ظاہر ہوتی ہیں جنہیں ہم فالج کا ابتدائی حملہ بھی کہہ سکتے ہیں اور اگر کوئی فرد چوکس ہے تو وہ خود کو فالج سے بچا سکتا ہے‘‘۔

ماڈل چلڈرن ہوم میں بچیوں نے کلین اینڈ گرین مہم کے تحت پودے لگائے

چہرے کا کوئی حصہ سن ہونا : چہرے ،ہاتھ یا ٹانگوں کا کوئی حصہ سن یابے جان سا محسوس ہوسکتا ہے ۔یہ کیفیت محدود وقت کیلئے ہوتی ہے جیسا کہ پانچ منٹ سے بھی کم۔

آنکھوں کی بینائی کا متاثر ہونا:فالج کی ایک پیشگی علامت میں بینائی کا متاثر ہونا بھی شامل ہے ایسا ممکن ہے کہ کسی فرد کو ایک آنکھ سے دھندلانظرآئے یا دو دو سائے نظر آئیں۔ برطانیہ میں 1300مریضوں پر کئے جانے والے جائزے میں یہ اہم علامت پائی گئی۔انہوں نے کہا کہ   ہمیں فالج سے پہلے ایسا لگتا تھا مگر ہم نے غور نہیں کیاکہ ا یساکیوں ہو رہا ہے‘‘۔

 علی اشرف مغل کا ماڈل ٹائون میںترقیاتی کاموں کا جائزہ 

نیم بے ہوشی:کچھ مریضوں نے نیم بے ہوشی کی بھی شکایت کی تھی۔انہیں لگا کہ کسی نے ان کی سوچنے سمجھنے کی صلاحیت سلب کر لی ہے ،جیسے دماغ مائوف ہو گیا ہو۔ اوہایئو یونیورسٹی کی پروفیسر ڈاکٹر گرین شینڈوس کے مطابق دماغ کے جس حصے سے   شعور ‘‘کو کنٹرول کیا جاتا ہے اس حصے کو خون کی فراہمی میں کمی کی صورت میں فرد بے ہوش ہو سکتا ہے ۔

سانس لینے میں دشواری:سانس کا تعلق تو آجکل کورونا سے جوڑا جا رہا ہے جسے سانس لینے میں دشواری، اس کا کورونا ٹسٹ کرایا جاتا ہے لیکن یہ کیفیت فالج کے دورے کی علامت بھی ہے۔   وویمنز ہیلتھ برمنگھم ‘‘ کی سربراہ ڈاکٹر کیتھرین ایم ریکس روڈ کے مطابق سانس لینے میں دشواری کی صورت میں فی الفور علاج کرنا چاہئے ،اس صورت میں دل کے دورے کے علاوہ فالج کو بھی پیش نظر رکھنا ضروری ہے‘‘۔

گوجرانوالہ کے داخلی اور خارجی راستوں کو خوبصورت بنایا جائے گا:کمشنر

ہچکیاں:خواتین کو آنے والی ہچکیاں بھی فالج کی پیشگی اطلاع سمجھی جاتی ہیں۔ دس فیصد خواتین کو فالج سے پہلے ہچکیاں آئی تھیں ۔

رویے میں تبدیلی:دماغی کیفیت میں کسی بھی وجہ سے تبدیلی آ سکتی ہے لیکن اس کی طبعی وجوہات بھی ہوسکتی ہیںجیسا کہ فالج۔   نیشنل سٹروک ایسوسی ایشن ‘‘ کے مطابق،    فالج سے دماغ کے وہ حصے متاثر ہوتے ہیں جو فرد کی شخصیت اور یادداشت کوبھی کنٹرول کرتے ہیں۔جبکہ شخصیت کا تعلق   فرنٹل لوب ‘‘سے بھی ہے۔ لہٰذا اگر کسی کو اپنے روئیے میں تبدیلی محسوس ہوتی ہے تو فالج کا صرف شک کرتے ہوئے ڈاکٹر سے رجوع کیجئے ۔

متلی یا قے:دماغ کے ایک حصے (Cerebellum)میں سٹروک سے سر چکرانے یا متلی کی کیفیت پیدا ہوسکتی ہے۔

کیونکہ خون کی نالیاں رسنے سے دما غ میں خون نکلنا شرو ع ہوجاتا ہے ۔اس سے ہالیوسینشین (Hallucination)اور ہائی بلڈ پریشر کی شکایت بھی پیدا ہو سکتی ہے۔