برطانوی پابندیوں کا جواب ضرور دیا جائے گا، روس
روس نے کہا ہے کہ اعلیٰ روسی حکام پر پابندی لگانے کے برطانیہ کے اقدام کے خلاف ضرور جوابی کارروائی کی جائے گی۔کریملن کے ترجمان دمتری پیسکوف نے ایک پریس کانفرنس میں کہا کہ روس کے اٹارنی جنرل اور بعض دیگر اعلی حکام پر پابندی عائد کرنے کا برطانیہ کے اقدام کا جواب ہرصورت دیا جائے گا۔ پیسکوف نے کہا کہ ہم اس طرح کے غیر دوستانہ اقدامات پر صرف افسوس نہیں ظاہر کر سکتے اور یقینی طور پر روس کے مفادات کے تناظر میں جوابی کارروائی انجام دی جائے گی۔یاد رہے کہ برطانیہ نے روس کے پچیس افراد پر پابندی لگانے کا اعلان کیا ہے۔
