راولپنڈی (جنرل رپورٹر) ڈیوٹی جج ایف آئی اے کورٹ راولپنڈی سہیل ناصر نے بیرون ملک بھجوانے کا جھانسہ دیکر رقم ہتھیانے والے گروہ کے دوارکان کو 46سال قید اور 84لاکھ روپے جرمانے کی سزا ، تیسرے اشتہاری ملزم کے دائمی وارنٹ گرفتاری جاری کر دیئے،07 نومبر 2019کو تھانہ ایف آئی اے نے مقدمہ درج کیا جس کے مطابق ٹریول مدینہ ٹورز کے نام سے کمپنی چلانے والے 3ملزموں شاہد عزیز، شکیل اختر اور احسان اللہ نے عبید اللہ راشد اس کی بیوی اور نوعمر بیٹیوں کو 59لاکھ 92ہزار روپے لیکر کینیڈا بھجوانے، نوکری دلوانے اور مستقل رہائش کیلئے پندرہ مئی 2019کو کمبوڈیا بلوایا اور بے یارو مدد گار چھوڑ کرلاپتہ ہوگئے، متاثرین نے کمبوڈیا میں پاکستانی سفارتخانے سے رابطہ کر کے صورتحال سے آگاہ کرتے ہوئے درخواست دی جس پر متاثرین کو ویزوں میں ایک برس کی ایکسٹنشن مل گئی، ادھر پاکستانی سفارتخانے کی درخواست پر ایف آئی اے نے مقدمہ درج کر کے شاہد عزیز کو گرفتار کرلیا جبکہ شکیل اختر ضمانت اور احسان اللہ اشتہاری ہوگیا، عدالت نے تین روز میں کیس کا ٹرائل مکمل کر کے گزشتہ روز ملزمان کو امیگریشن کی دفعہ اٹھارہ کے تحت10/10 سال قید سخت اور20/20 لاکھ روپے جرمانہ اور دفعہ 22کے تحت بھی اتنی ہی سزا اور جرمانہ ادا کرنے کا حکم دیتے ہوئے ملزمان کی طرف سے دیئے جانے والے گارنٹی چیک ڈس آنر ہونے پر3/3 سال قید اور1/1 لاکھ روپے جرمانے کی سزا سنائی۔

شوکت ترین پر مکمل اعتماد، وزیراعظم