کھیل امن و ترقی کا بہترین ذریعہ ہیں احمد علی راجپوت
کراچی(اسپورٹس رپورٹر)سندھ اولمپک ایسوسی ایشن کے سیکریٹری جنرل احمد علی راجپوت نے کہا کہ کھیل امن و ترقی کا بہترین ذریعہ ہے اس سے رابطے اور مثبت سرگرمیوں کو فروغ دینے کے بہترین مواقع میسر ہوتے ہیں۔وہ گذشتہ روز سندھ باکسنگ ایسوسی ایشن کے زیر اہتمام لیاری لیبر ویلفیئر سینٹر باکسنگ کلب میں انٹر نیشنل ڈے آف اسپورٹس فاڈویلپمنٹ اینڈ پیس ڈے اورباکسنگ ورکشاپ میں شرکت کرنے والے شرکا میں سرٹیفکیٹ اور اسپورٹس ٹی شرٹ کی تقسیم کے موقع پر انٹر نیشنل باکسرز، کوچز اورریفری ججز سے خطاب کررہے تھے۔ صدر سندھ باکسنگ ایسوسی ایشن، پاکستان باکسنگ فیڈریشن کے ایگزیکٹو وائس پریذیڈنٹ محمد اصغر بلوچ نے خطاب کرتے ہوئے کہا کہ آج انٹر نیشنل ڈے آف اسپورٹس کی تقریب لیاری میں منعقد کرکے ہم نے دنیا کے سامنے یہ ثابت کردیا کہ پاکستان میں باکسنگ کا اصل مرکز سندھ، کراچی اور خصوصا لیاری ہے۔ انہوں نے کہا کہ آج پاکستان کی باکسنگ کی عظیم نمایاں شخصیات، ملک وملت کا نام روشن کرنے والے بین الاقوامی شہرت یافتہ باکسرز، کوچز، ریفری، ججز اور آرگنائزرس لیڈی لیبر ویلفیئر سینٹر میں موجود ہیں۔ انہوں نے کہا کہ آج پاکستان کی باکسنگ کے اولمپئن نیشنل و انٹر نیشنل موجودہ و سابقہ کھلاڑیوں کی بڑی تعداد یہاں موجود ہے۔ یہ ہمارے لئے خوش آئندبات ہے کہ ہمارے باکسروں نے انٹر نیشنل ڈے آف اسپورٹس فار ڈویلپمنٹ پیس ڈے مناکر دنیا سے یکجہتی کا مظاہرہ کیا۔ سندھ باکسنگ ایسوسی ایشن کے نائب صدر عابد حسین بروہی نے کہا کہ پاکستان باکسنگ فیڈریشن اور اس کے ماتحت وہ تمام صوبائی ایسوسی ایشنز جن کے الیکشن پاکستان اولمپک ایسوسی ایشن کی نگرانی میں ہوئے، وہی قابل قبول اور تسلیم کیئے جائیں گے۔ دیگر خود ساختہ ایسوسی ایشن کی کوئی اہمیت نہیں اور نا ہی قابل قبول ہیں۔تقریب میں اولمپئن ملگ بلوچ انٹر نیشنل باکسرز محمد صدیق قمبرانی، عبدالرؤف قریشی، عبدالرشید بلوچ، عبدالخالق، کاشف احمد فاروقی، عبدالوہاب، شیر محمد بلوچ، رحیم جان(بابا)، محمد اکبر، نوشاد فتح، نور بادشاہ، جمیل خان، فدا حسین بلوچ، جان محمد، در محمد، تنویر احمد، جاوید خان، جہانزیب، عامر خان، محمدآصف، داد خان، اختر علی، جمیل بلوچ، جمیل خان، شعیب مراد، عظیم جان، مہرین بلوچ، شوکت علی، علی محمد ڈاکٹر شاہد، لیاقت علی و دیگر نیشنل و انٹر نیشنل باکسر موجود تھے۔ جبکہ رسول بخش،مہر بخش کوچ، فتح محمد، سابق انٹر نیشنل فٹبالر، لالا عاشق، رحیم بلوچ اور غلام شبیر اور اختر بلوچ نے خصوصی طور پر شرکت کی۔لیجنڈبابائے باکسنگ استاد محمد سٹھو، علی محمد قمبرانی، استاد عبداللہ بلوچ، اولمپئن جان بلوچ اور محمد صدیق مرحومین کی تصویریں آویزاں کی گئی تھیں۔ قومی کوچز محمد یونس قمبرانی، لال محمد، جاوید خان، دھنی بخش اور شوکت علی موجود تھے۔اس موقع پر سیکریٹری سندھ باکسنگ ایسوسی ایشن عبدالرزاق بلوچ نے تقریب کے مقاصد بیان کرنے کیئے اور آنے والے شرکا اور معززین کا شکریہ ادا کیا۔