پنجاب میں 3 نئے پاور پلانٹ فنی خرابی کے باعث بند ، بجلی بحران سنگین
لاہور (نوائے وقت نیوز) پنجاب میں موجودہ حکومت کی جانب سے بنائے گئے 3 نئے پاور پلانٹس بند ہوگئے ہیں جس کے باعث قومی گرڈ سے 2500 میگا واٹ بجلی نکل گئی ہے۔ موجودہ حکومت کی جانب سے پنجاب میں بھکھی، حویلی بہادر شاہ اور بلوکی میں تعمیر کئے گئے 3 پاور پلانٹس بند ہوگئے ہیں، یہ تینوں پاور پلانٹس آر این ایل جی کے ذریعے بجلی پیدا کرتے تھے۔ تینوں پاور پلانٹس کی بندش کی وجہ سے بجلی کے شارٹ فال میں مزید 2500 میگاواٹ کا اضافہ ہوگیا ہے۔پیپکو ذرائع کا کہنا ہے کہ یہ تینوں پاور پلانٹس فنی خرابی کے باعث بند ہوئے ہیں، جن کو دور کرنے کی کوشش کی جارہی ہے۔ 3 میں سے دو پلانٹس کو آج ہی دوبارہ فعال کردیا جائے گا