نیٹو کا افغانستان میں مزید 3 ہزار فوجی بھیجنے کا اعلان

07 نومبر 2017 (21:35)

 نیٹو نے افغانستان میں مزید 3ہزار فوجی بھیجنے کا اعلان کردیا ہے جس میں 1500امریکی فوجی جب کہ باقی 1500اتحادی ممالک کے اہلکار ہوں گے .غیرملکی خبررساں ادارے کے مطابق نیٹو کے جنرل سیکرٹری جنرل جینس اسٹالٹنبرگ کی جانب سے یہ اعلان برسلز میں نیٹو کے دفاعی وزرا کے اہم اجلاس سے ایک روز قبل کیا۔ انہوں نے کہا کہ افغانستان میں نیٹو کے مزید 3 ہزار فوجی بھیجے جارہے ہیں جس میں 1500امریکی فوجی جب کہ باقی 1500اتحادی ممالک کے اہلکار ہوں گے۔جنرل جینس اسٹالٹنبرگ نے کہا کہ افغانستان جانے والا نیا فوجی دستہ جنگی آپریشنز یا دہشت گردوں کے خلاف کارروائیوں میں براہ راست حصہ نہیں لے گا بلکہ نئی کمک کا مشن افغان سیکورٹی فورسزکی تربیت اور دیگر امور میں معاونت کرنا ہے۔ انہوں نے کہا کہ نیٹو افواج افغانستان میں اپنی موجودگی کا احساس دلانا چاہتا ہے تاکہ دہشت گردوں کے خلاف جاری جنگ میں آنے والے جمود کو توڑ کرافغان فورسز کی مزید مدد کی جائے جب کہ یہ طالبان کے لیے واضح پیغام ہے کہ وہ کبھی یہ جنگ نہیں جیت سکتے۔جنرل جینس کے مطابق اس وقت افغانستان میں نیٹو فوج کے 13000اہلکار موجود ہیں اور مزید 3000فوجیوں کی آمد سے یہ نفری 16000ہوجائے گی