جو کرنا ہے کر دیں، ملزم ارمغان کی ڈھٹائی پر جج ‘وکیل حیران

کراچی (سٹاف رپورٹر) کراچی کی سٹی کورٹ میں جوڈیشل مجسٹریٹ جنوبی کی عدالت میں غیرقانونی کال سینٹر چلانے کے مقدمے کی سماعت ہوئی۔ سماعت کے دوران جوڈیشل مجسٹریٹ نے ملزم سے براہِ راست مکالمہ کرتے ہوئے کہا کہ پہلے تو بہت بولتے تھے، آج کیا ہوا؟ جس پر ملزم نے سرد لہجے میں جواب دیا: آپ نے جو کرنا ہے کر دیں۔عدالت نے ملزم سے دریافت کیا کیا ایف آئی اے کی جانب سے کوئی تشدد کیا گیا؟ تاہم ملزم بار بار پوچھنے پر بھی خاموش رہا، جس پر خاتون وکیل شازیہ توقیر ایڈووکیٹ نے اعتراض اٹھایا یہ توہین عدالت ہے۔ جوڈیشل مجسٹریٹ نے ریمارکس دیے آپ ملزم کو نہیں جانتیں، اس پر کیسز کا بنڈل موجود ہے۔ عدالت نے دلائل سننے کے بعد ملزم کا جسمانی ریمانڈ مسترد کرتے ہوئے اسے جیل منتقل کرنے کا حکم دیا۔