افغانستان، مسافر بس کے حادثے میں 3 افراد ہلاک33 زخمی 

کابل(این این آئی)افغانستان کے صوبہ سمنگان میں مسافر بس الٹنے سے 3 افراد جاں بحق اور 33 زخمی ہو گئے۔چینی میڈیا کے مطابق صوبائی پولیس کے دفتر نے بیان میں کہا کہ یہ حادثہ منگل کی صبح ضلع خلم میں پیش آیا، جو دارالحکومت کابل کو شمالی صوبہ بلخ سے ملانے والی شاہراہ کے ساتھ ہے۔ مسافر بس کابل سے شمالی صوبہ جوزجان جا رہی تھی کہ اس دوران حادثے کا شکار ہو گئی جس کے نتیجے میں 3 مسافر جاں بحق اور 33 زخمی ہو گئے جنہیں علاج کے لیے صوبائی ہسپتال منتقل کر دیا گیا ہے۔