بحریہ ٹاؤن کے زیراہتمام عالمی یوم ماحولیات پر منی میراتھان ریس کا انعقاد

07 جون 2015

راولپنڈی (پ ر) بحریہ ٹاؤن انوائرمنٹ ڈیپارٹمنٹ کے زیراہتمام ’’منی میراتھان ریس‘‘ کا انعقاد کیا گیا۔ اقوام متحدہ کے ورلڈ انوائرمنٹ ڈے کے موقع منعقد کی جانے والی اس منی میراتھان ریس کا مقصد عوام میں ماحول کی حفاظت کی اہمیت کا شعور اجاگر کرنا ہے۔ بحریہ ٹاؤن منی میراتھان ریس کی تمام کیٹگریز میں عوام کی کثیر تعداد نے شرکت کی۔ ایک کلومیٹر لمبی اس میراتھان ریس کو سول سوسائٹی اور میڈیا نے بھی زبردست پذیرائی بخشی۔ بحریہ ٹاؤن کے وائس چیف ایگزیکٹو کموڈور (ریٹائرڈ) محمد الیاس نے جیتنے والوں میں میڈلز تقسیم کئے۔