پی پی 139ضمنی الیکشن ‘ (ن) لیگ کاووٹ بنک 38 سے بڑھ کر 55.7 فیصد ہوگیا: فافن 

لاہور (نیٹ نیوز) پی پی 139 شیخوپورہ کے ضمنی الیکشن میں مسلم لیگ (ن) کے ووٹ بینک میں کتنا اضافہ ہوا اس بارے میں فافن نے رپورٹ جاری کر دی۔ فافن رپورٹ کے مطابق مسلم لیگ (ن) کا ووٹ بینک 38 فیصد سے بڑھ کر 55.7 فیصد ہوگیا۔ رپورٹ کے مطابق ہارنے والے امیدوار کو عام انتخابات، دونوں ضمنی انتخابات میں پاکستان تحریک انصاف نے سپورٹ کیا۔ پی ٹی آئی کے امیدوار کا ووٹ بینک 36 فیصد سے کم ہو کر 25 فیصد رہ گیا۔ فافن کے مطابق فارم 47 رات ساڑھے 10 بجے تک تیار ہو چکے تھے۔ ضمنی الیکشن میں ووٹر ٹرن آؤٹ 41 فیصد تھا جو عام انتخابات میں 50 فیصد تھا۔ گنتی کا عمل شفاف رہا۔ تمام پولنگ ایجنٹس کو فارم 45 دیا گیا۔