شاہد آفریدی کا ٹویٹ سچن ٹنڈولکر بھی سامنے آگئے پاکستانی کرکٹر اس معاملے میں آفریدی کے ساتھ نہیں کھڑاہے
نئی دہلی (آئی این پی) شاہد آفریدی کی ایک ٹویٹ نے نام نہاد بھارتی ہیروز کے منہ سے شرافت کا نقاب ہٹا دیا۔شاہد خان آفریدی کے ٹویٹر پر کشمیریوں کی حمایت اور اقوام متحدہ سے مظالم کا نوٹس لینے کے مطالبے سے بھارتی میڈیا اور وہاں کے کرکٹرز کے تن بدن میں ایسی آگ لگائی کہ بجھنے کا نام ہی نہیں لے رہی۔کشمیر کی وادی میں انسانیت سوز مظالم ڈھانے والی فوج کی حمایت میں سابق بیٹسمین سچن ٹنڈولکر بھی سامنے آگئے جو خود ٹویٹر وغیرہ پر انسانیت کا درس دیتے نہیں تھکتے۔ایک تقریب کے بعد جب میڈیا کی جانب سے شاہد آفریدی کے ٹویٹ کے بارے میں ان سے سوال کیا گیا تو ٹنڈولکر نے کہاکہ ہمارے پاس ایسے باصلاحیت لوگ موجود ہیں جوملک کو چلا سکتے ہیں، ہمیں کسی بیرونی شخص کی ضرورت نہیں جو ہمیں بتائے کہ کیا کرنا ہے۔ایک اور بھارتی کرکٹر شیکھر دھون نے کہا کہ پہلے خود اپنے ملک کی حالت سدھارو، اپنی سوچ اپنے پاس رکھو، اپنے ملک کا جو ہم کررہے ہیں وہ اچھا ہی ہے اور آگے جو کرنا ہے وہ ہمیں اچھے پتا ہے، زیادہ دماغ مت لگائو، اپنے خیالات اپنے پاس رکھو۔سریش رائنا نے بھی اسی طرح کی باتیں کیں، اس سے قبل گوتم گمبھیر، ویرات کوہلی اور کپیل دیو بھی ایسے ہی خیالات کااظہار کرچکے ہیں۔ دوسری جانب شاہد آفریدی اپنے موقف پر ڈٹے ہوئے ہیں، ان کے مطابق حق کی بات کرنے سے وہ بالکل نہیں ڈرتے ۔مقبوضہ جموں وکشمیر میں بھارتی فوج کے مظالم کے خلاف آواز اٹھانے پرسابق بھارتی کرکٹرزاور وہاں کا میڈیا پاگل کتوں کی طرح پاکستانی کرکٹرشاہد آفریدی کے پیچھے پڑگیاہے۔جن کے چھوٹے سے بڑے کرکٹرزسبھی اپنے اپنے الفاظ میں پاکستانی کرکٹرزکے خلاف زہراگل رہے ہیں لیکن پاکستانی شائقین کیلئے مایوس کن بات یہ ہے کہ کوئی دوسرا پاکستانی کرکٹر اس معاملے میں آفریدی کے ساتھ نہیں کھڑاہے جو انتہائی حیران کن بات ہے۔بھارتی اداکارسلمان خان کوسزاہونے پر دل بیٹھ جانے کی ٹوئٹ کرنے والاسابق پیسر شعیب اختر کشمیر کے معاملے پر بولنے سے کترا رہا ہے جبکہ دیگر سابق پاکستانی پلیئرزکے بھی بھارت میں مفادات ہیں جس کے سبب ان کی زبان کو تالے لگے ہوئے ہیں لیکن کرکٹ میدانوں پر بھارتیوں کے چھکے چھڑانے والا شاہد آفریدی آج بھی اکیلا پورے بھارت کوجواب دے رہاہے۔